Það er gott að hafa einhverja hugmynd um hvaða efni þig langar í – en ef þú ert óviss, þá erum við hér til að leiðbeina þér! Útilokunaraðferðin getur reynst sérstaklega gagnleg þegar valið stendur á milli margra góðra kosta.

Þegar efnið er valið tökum við næst fyrir fóðrið – það er einmitt það sem gerir fötin algjörlega einstök og persónuleg. Flestir viðskiptavinir okkar velja silkimjúkt fóður í fjölbreyttum litum, en þú getur valið á milli silkis, satíns eða polyester.

Að því loknu skoðum við saumana – hér velur þú lit á þráðinn sem notaður er til að sauma inn nafn, skammstöfun eða gælunafn innan í jakkann.

Að lokum eru það hnapparnir. Þetta er einfaldur leikur – veldu bara þá sem þér líkar best við!

Veljum stílinn, boðungana, vasana, þræði, klaufar, kragar.. ALLT sem þér dettur í hug fyrir handsaumuðu jakkafötin þín, allar þær sérþarfir sem þér dettur í hug! Byrjum á jakkanum, færum okkur í vestið og klárum svo buxurnar.

Hér er hægt að bæta við skyrtum, sérsaumuðum leðurskóm, leðurbeltum og öllum fjandanum sem við höfum upp á að bjóða.

Menn eru mældir í bak og fyrir

4-6 vikum eftir mælingu eru fötin tilbúin til mátunar og þá koma menn í fyrstu mátun þar sem farið er yfir fötin og gengið úr skugga um að allt sé nákvæmlega eins og það á að vera. Hér geta menn átt lokaorðið meðan þeir svolgra í sig einum ísköldum í boði Djöfulsins.